Pasinninnerit
procentinngorlugit
Unioqqutitsinerup suunera aallaavigalungu politiit inummik inunnilluunniit arlalinnik qanoq annertutigisumik pasinnittarnerat assigiinngiiaarpoq.
Pinerluttulerinermi
inatsimmi, angallannermi inatsimmi inatsisinilu allani pasineqarnerit
procentinngorneri ataatsimut isigissagaanni unnerluussinerit pasineqarnermik
kinguneqartartut amerlassusaat angallanermi inatsimmi qaffasinnerpaapput.
Unioqqutitsinerni politiit namminneerlutik, assersuutigalungu biilertumik
unitsitsilluni piffimmi pasinninnermik, nalunaarsuisarnerannik tamanna
peqquteqarpoq.
Takuneqarsinnaasutut
pasineqarnerit procentinngornerini ukiuni kingullerni unnerluussinerit
appariartorsimapput. Tamanna suliat arlallit suli pasineqarnermik
kinguneqarsimannginnerannik pingaartumik peqquteqarpoq, kingusinnerusukkulli
takkuttussanik.
Titartagaq 3. Pinerluttulerinermi inatsimmi, angallannermi inatsimmi inatsisinilu allani pasinninnerit procentinngorneri, 2016-2021
Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/KRNAN
Titartagaq
3-mi takutinneqarpoq 2021-mi unnerluutiginninnerit pasineqarnermik
kinguteqartinneqarsimasut amerlassusaat, taakkunannga angallannermut inatsimmik
unioqqutitsinerit 85 pct.-ii pasineqarnermik kinguneqarsimasut
qaffasinnerpaallutik. Taassuma saniatigut inatsisinik allanik unioqqutitsinermi
unnerluussinerit 68 pct.-ii pasineqarnermik kinguneqarsimasut pinerluttulerinermi
inatsimmi unnerluussinerit 56 pct.-ii pasineqarnermik kinguneqarsimapput.
Titartagaq 4. Pinerluttulerinermi inatsimmik unioqqutitsinerni pasineqarnerit procentinngorneri, 2016-2021
Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/KRNAN
2021-mi toqutsilluni timimilliu pinerliilluni kiisalu pisortat oqartussaatitaannut pinerluttuliornerit 69 pct.-ii pasineqarnermik kinguneqarsimapput, kinguaassiuutitigullu pinerluttuliornerit 62 pct.-ii pasineqarnermik kinguneqarsimallutik. Pisuussutit tungaasigut pinerluttuliornerit pasineqarnermik kinguneqarsimasut 48 pct.-imik annertussuseqarlutik annikinnerpaapput.